سؤال ومن الآخر : تتجوز واحده مشيت معاها؟؟؟

السلام عليكم ورحمة الله وبركاته


دا سؤال وأرجو ان تعاهدنى ان تجيب عليه بكل صراحه


تقبل انك تتجوز واحده انت مشيت معاها وصاحبتها أو كلمتها على الشات ؟؟؟؟؟


لو كان لآ ...


يبقى ليه ماشى مع البنت اللى انت ماشى معاها دى ؟


بتتسلى ؟ ولا بتجرب ؟


طب مش خايف يتعمل كدا فى اختك او فى بنتك أو فى بنت خالك او بنت عمك ؟


طب مش خايف من ربنا اللى عارف نيتك ؟


لما تقف بين ايديه ويسألك انت ليه كنت بتلعب بيها؟؟


ولا مش خايف من ان يطلع عليك سمعه ويقولوا الواد دا بتاع بنات بدل مايقولوا الواد محترم وعمره ماعرف واحده



ولو كان جوابك نعم ...


تقدر تقولى يا عم السبع اذاى تآمن لها بعد كدا ؟؟؟


ازاى يا عم الراجل تقبل ان دى تحمل اسمك ؟؟؟


تقدر تقولى ازاى دى هاتربى بناتك بعد كدا ؟؟ وهاتربيهم على آيه؟؟؟؟


على الآخلاق ولا هاتقولها ماتعرفيش ولاد عشان حرام ..هه.. ولا ايه ؟؟؟


ولا بعد كدا لما تلاقيها عالنت ولا فى منتدى تفتكر مش هاتشك فيها ؟؟؟؟؟؟



ساعتها ..هاتبقى حياااااتك جحيم.


أقعد مع نفسك يابن الحلال وشوف انت صح ولا غلط .



واعلم ((( ان الله لا يغير مابقوم حتى يغيروا مابانفسهم )))


واعلم انه ((( كما تدين تدان )))


مش هاطول عليك بس ماحدش ضامن الظروف وبينى وبينك مافيش احلى من قاعدة الرجاله مع بعض
والبنات مع بعض





على فكره ياجماعه السؤال دا للبنات كمان يعنى مش للولاد بس

دا للكل
تتجوزى واحد مشيتى معاه ؟؟؟؟؟؟؟؟
أرجو التفاعل





تحــــــــياتى


السلام عليكم